पाल्पा, निस्दी गाउँपालिका प्रथम खुल्ला अन्तर पालिकास्तरीय पुरुष भलिबल प्रतियोगिता संचालन भइरहेको छ । बैशाख २३ गतेदेखि सुरू भएको प्रतियोगिताको दोस्रो दिन बौदीकाली गाउँपालिका नवलपुर र तिनाउ गाउँपालिका बीचको खेलमा बौदीकाली गाउँपालिकाले जीत हासिल गरेको छ । त्यसैगरी कालीगण्डकी गाउँपालिका स्याङ्जा र रिब्दीकोट गाउँपालिका पाल्पाको खेलमा कालीगण्डकी गाउँपालिकाले जीत हासिल गरेको छ ।
गाउँपालिकाकाे गल्धा ढुंगानाबेशी खेलमैदानमा भइरहेको खेलमा बर्दघाट नगरपालिका परासीले गलकोट नगरपालिका बाग्लुङलाई जीतेकाे छ । लिग चरण अनुसार सन्चालन भएको भलिबलकाे प्रतियोगितामा पाल्पाका चारवटा पालिका सहित बाहिरी जिल्लाका चारवटा पालिकाहरुको टिमले सहभागिता जनाएको निस्दी भलिबल संघ बरिष्ठ उपाध्यक्ष धनबहादुर जर्घाले जानकारी दिनुभएको छ ।
निस्दी गाउँपालिका आयोजना र निस्दी भलिबल संघ पाल्पाको सह-आयोजनामा सन्चालन भएको बाँकी खेलहरु भोलि बिहान ८ बजेदेखि शुरु गरिने खेल संयोजक उमेश कुमार गाहाले जानकारी दिनुभएको हाे ।