हाेम राई मगर पाल्पा, निस्दी गाउँपालिकाकाे अर्चले टोलहरुमा प्रवेशद्वार तथा गाङ्छारी निर्माण कार्य हुँदैछ। निस्दी गाउँपालिकाको आठ लाख रुपैयाँको आर्थिक सहयोगमा सन्चालन भएको प्रवेशद्वार र गाङ्छारी अर्चलेका नौ वटै टोलमा निर्माण गरिने वडाअध्यक्ष मेखबहादुर सुनारीले बताउँनु भएको छ ।
गाउँपालिकाकाे आर्थिक सहयोगमा अहिलेसम्म ५ वटा टोलमा प्रवेशद्वार निर्माण कार्य सम्पन्न भएको र बाँकी टोलमा ठाउँ छनौट संगै निर्माण कार्य अघि बढ्दैछ वडाअध्यक्ष सुनारीले भन्नुभएको हाे । वडा नम्बर-६,अर्चलेको मूल प्रवेश स्थल निस्दीखोलाको रेचेघाटमा पक्की पुल नजिक पाँच लाख रुपैयाँको लागतमा गेट निर्माण कार्य थालनी गरेको अर्चलेले सबै टोलहरुमा प्रवेशद्वार र गाङ्छारी गेट निर्माण भएको छ। गाउँको भेला र प्रतिक्षालय प्रायोजनका लागि निर्माण गरिएको गाङ्छारीको शाब्दिक अर्थ शित्तल स्थल हो ।
ग्रामीण पर्यटनमा टेवा पुग्ने उद्धेश्यले अर्चलेका सबै टोलहरूमा प्रवेशद्वार निर्माण र सार्वजनिक स्थलकाे संरक्षण गर्दै टोलहरूका सबै मुख्य-मुख्य चोकहरुमा गाङ्छारी निर्माण गरिएको उपभोक्ता समितिका अध्यक्ष खेमबहादुर विश्वकर्माले जानकारी गराउँनु भएको छ।