पाल्पा, माथागढी गाउँपालिका १नं.वडा कार्यालय चिदिपानीको वडा कार्यालय भवनको सिलान्यास भएको छ ।माथागढी-१ चिदीपानी स्थित १ करोड ६७ लाख रूपैयाँ लागतमा निर्माणाधिन वडा कार्यालय भवन गाउँपालिकाको आन्तरिक स्राेतबाट निर्माण हुन लागेको हाे ।
यसअघि वडाको पुरानो भवनबाट सेवासम्पादन गर्दै आएको वडा कार्यालयले नयाँ भवन बनेपछि वडा कार्यालयकाे काम र गतिविधिलाई गुणस्तरीय सेवाप्रवाह गर्ने र सेवाग्राही जनतालाई सेवामा सहज हुने विश्वास लिइएको छ।
वडाको कार्यालय भवन निर्माणका लागि गणेश निर्माण सेवा निर्माण कम्पनीलाई भवन निर्माणकाे जिम्मा दिएको र समयमै निर्माणकाे काम सम्पन्न गरि वडा कार्यालय भवन हस्तान्तरण हुने भवन सिलन्यास कार्यक्रममा वडाध्यक्ष राजकुमार पन्थीले जानकारि दिनुभयो ।