पाल्पा, ग्लोबल आईएमई बैंक लिमिटेड र लुम्बिनी मेडिकल कलेज एन्ड शिक्षण अस्पतालबीच ग्लोबल आईएमई बैंकका ग्राहकहरुलाई अस्पतालमा उपलब्ध विभिन्न स्वास्थ्य सेवामा २५ प्रतिशतसम्म छुट प्रदान गर्ने गरि साझा सहमती पत्रमा हस्ताक्षर सम्पन्न भएको छ ।उक्त समझदारीमा बैंकका लुम्बिनी प्रदेश प्रमुख शान्ता शिवाकोटी र अस्पतालका अध्यक्ष गोपाल बहादुर पोखरेलले हस्ताक्षर गर्नुभएको हाे। सहमति अनुसार अस्पतालले बैंकका डेबिट/क्रेडिट कार्ड एव्म बैंकको मोबाइल एप (ग्लोबल स्मार्ट प्लस) प्रयोगकर्ताहरुलाई अस्पतालको सेवा तथा औषधी उपचारमा लाग्ने शुल्कमा २५ प्रतिशतसम्म छुट प्रदान गर्नेेछ ।
अस्पतालले बैंकका ग्राहकहरुलाई अस्पतालको सामान्य बेड, प्रयोगशाला परीक्षण, एक्स–रे,अल्ट्रासोनोग्राफी, ओ.पी.डी. र अपरेशन लगायतका सेवाहरुमा २५ प्रतिशतसम्मको छुट प्रदान गर्नेछ । यस साझेदारी पश्चात् ग्लोबल आइएमई बैंक लिमिटेडका ग्राहकहरुले गुणस्तरीय स्वास्थ्य सेवा सुबिधा सहित लुम्बिनी मेडिकलबाट उचित दरमा सेवा प्राप्त गर्ने र अस्पतालले स्वास्थ्य सेवा तथा सुविधाहरु विस्तार गर्न पनि यो सहकार्यले धेरै सहयोग पुग्ने कार्यकारी अध्यक्ष पोखरेलले सहमति पत्र आदानप्रदानमा बताउँनुभयाे ।कार्यकारी अध्यक्ष पोखरेलले यो पहलले पहुँचयोग्य स्वास्थ्य सेवा प्रदान गर्ने बताउँदैअस्पतालको प्रतिबद्धतालाई प्रतिबिम्बित गर्ने स्पष्ट पार्नुभयाे ।
यसैगरी ग्लोबल आईएमई बैंकका लुम्बिनी प्रदेश प्रमुख शान्ता शिवाकोटीले लुम्बिनी मेडिकल कलेज एन्ड टिचिङ्ग हस्पिटल लिमिटेडसँगको साझेदारीले बैंकका ग्राहकलाई लाभान्वित गर्ने र बैंकको कार्ड तथा मोबाईल बैंकिङ्ग सेवा प्रयोग गर्ने प्रयोगकर्ता वृद्वि हुने प्रदेश प्रमुख शिवाकोटीले विश्वास व्यक्त गर्नुभयाे। उहाँले ग्राहकवर्गहरूको सेवा सुविधालाई मध्ये नजर गरि बैंकबाट समय सापेक्ष विभिन्न सुविधा तथा समय सान्दर्भिक योजनाहरु ल्याएर ग्राहकहरुलाई प्रत्यक्ष रुपमा लाभान्वित गर्दै आएको समेत बैंकका प्रदेश प्रमुख शिवाकोटीले बताउँनुभएकाे छ ।
