मानसिक स्वास्थ्य र सामाजिक समस्याबारे अभिमुखीकरण

पाल्पा, माथागढी गाउँपालिकाको आयोजनामा वडा कार्यालय चिदीपानीमा वडा कार्यालय भवनमा आत्महत्या,सडक दुर्घटना, नसर्ने रोग एवं मानसिक स्वास्थ्य सम्बन्धी एकदिने मानसिक स्वास्थ्य अभिमुखीकरण कार्यक्रम सम्पन्न भएको छ। माथागढी गाउँपालिकाकाे वडा नं. १, २, र ३ का जनप्रतिनिधि विद्यालयका शिक्षकहरू तथा सहकारी संस्थाका प्रतिनिधिहरू सञ्चारकर्मी तथा परम्परागत उपचारमा संलग्न व्यक्ति सहभागी रहनुभएकाे थियो ।

अभिमुखीकरण कार्यक्रममा माथागढी गाउँपालिकाका अध्यक्ष यमबहादुर चिदीले मन्तब्य राख्नुहुँदै नेपालमा अहिले नसर्ने रोग राेगीहरू बढ्दै गएकाेले जसको उपचार महँगो र दीर्घकालीन हुने भएकाले समाजमा ठूलो असर पारि रहेको बताउँनुभएकाे छ । उहाँले भन्नुभयो मानसिक स्वास्थ्य समस्या,आत्महत्या र सडक दुर्घटनाका कारण पनि समाज प्रभावित भइरहेको भन्दै उहाँले यस्ता समस्याहरूकाे जनचेतनामा अभिवृद्धि गर्नका लागि पनि यस किसिमको कार्यक्रम आयोजना गरिएको बताउँनुभयाे।

माथागढी-१ का वडा अध्यक्ष राजकुमार पन्थीले कार्यक्रममा सहभागी सबै जना समुदायकाे अगुवा भएकाले पनि उहाँहरूले आत्महत्या न्यूनीकरण र सडक दुर्घटना रोकथाममा तथा नसर्ने रोगबारे जानकारी लिएर समाजमा चेतना फैलाउन महत्त्वपूर्ण भूमिका खेल्नुहुनेमा समेत आफू विश्वास लिएको बताउँनुभयाे । कार्यक्रम माथागढी गाउँपालिका वडा नं. १ का वडाअध्यक्ष एवं सामाजिक विकास समितिका संयोजक राजकुमार पन्थीको अध्यक्षतामा सम्पन्न भएको थियो ।

प्रमुख अतिथि गाउँपालिकाका अध्यक्ष यम बहादुर चिदी रहेका थिए भने वडा सदस्यहरू डुकुल गाहा, टोल बहादुर मस्राङी,लिलाकुमारी बि.क र वडा नं.२ का वडा सदस्य यानसिं थापा लगायतले आतिथ्यता गर्नुभएको थियाे। कार्यक्रमको सहजीकरण मेडिकल अधिकृत डा.विवेक पौडेल,स्वास्थ्य शाखा प्रमुख केशव जि.सी. तथा प्रहरी सहायक निरीक्षक चुरामणी अधिकारीले गर्नु भएको थियाे।

शेयर गर्नुहाेस्

Leave a Reply

Your email address will not be published. Required fields are marked *