पाल्पा, लुम्बिनी प्रदेश सरकारकाे स्वास्थ्य मन्त्री खेमबहादुर सारूले प्रेस चाैतारी नेपाल पाल्पा शाखा सचिवालय सदस्य विजय कुमार वाैडेललाई प्रेस संयाेजकमा नियुक्त गर्नुभएको छ । स्वास्थ्य मन्त्री सारूले वाैडेललाई नियुक्त गरेको पत्र हस्तान्तरण गर्दै जानकारी दिनुभएको हाे।
विशिष्ठ श्रेणीमा नियुक्त हुनुभएका प्रेस संयाेजक वाैडेलले पाल्पामा रहेर विगत पन्ध्र वर्षदेखि सक्रिय रूपमा पत्रकारिता गर्दै आउँनुभएका उहाँ स्वास्थ्य मन्त्री सारूकाे प्रेस संयाेजककाे जिम्मेवारीमा रहेर कार्य सम्पादन गर्नुहुनेछ । पत्रकारितामा राम्रो दखल राख्नुहुने वाैडेलले सामुदायिक रेडियो मदनपाेखरा एफ एम १०६.९ मेगाहर्जबाट आफ्नो पत्रकारिता सुरु गर्नु भई पन्ध्र वर्षदेखि निरन्तर पत्रकारिता क्षेत्रमा रहेर कर्म गर्दै आउँनुभएकाे छ । उहाँ प्रेस चाैतारी नेपाल पाल्पाकाे सचिवालय सदस्य साथै माडीभ्यू डटकमका सञ्चालक तथा सम्पादक समेत हुनुहुन्छ ।
