पाल्पा, लुम्बिनी प्रदेशका तीन जिल्लामा पारिवारिक स्वास्थ्य प्रोफाइल तयार गर्ने अभियान सुरू गरिएको छ । प्रदेशको पाल्पा,बाँके र अर्घाखाँची जिल्लामा अहिले मोबाईल प्रविधिमार्फत पारिवारिक स्वास्थ्य प्रोफाइल तयार गरिने भएको हो। पाल्पाकाे तानसेनमा आयोजित समुदाय स्तरीय परिवारकाे स्वास्थ्य सेवा प्रोफाइल तयारी तथा मोबाइलमा स्वास्थ्य सम्बन्धि अन्तक्रिर्या कार्यक्रम मार्फत अभियानको शुभारम्भ गरिएको छ। पारिवारिक स्वास्थ्य अभियान कार्यक्रमकाे लुम्बिनी प्रदेशका स्वास्थ्यमन्त्री खेम बहादुर सारुले उद्घाटन गर्नुभएको हो ।
उद्घाटन समारोहमा बाेल्नुहुँदै मन्त्री सारुले सामुदायिक स्वास्थ्य सेवाकाे सुधारलाई नेता,नेतृत्व व्यवस्थापनमा सूक्ष्म रूपले ध्यान दिनुपर्ने बताउँनुभयो । उहाँले सरकारले सुविधा सम्पन्न क्षेत्रभन्दा ग्रामीण क्षेत्रमा स्वास्थ्य जनशक्तिकाे व्यवस्थापनमा प्राथमिकता दिइरहेको सन्दर्भलाई उल्लेख गर्नुभयो।“एक्लो प्रयासले परिवर्तन सम्भव छैन,यसमा सबै तह र क्षेत्रको सक्रिय सहभागिताकाे आवश्यकता छ,” मन्त्री सारुले भन्नुभयो । उहाँले स्वास्थ्य सेवा प्रभावकारी बनाउन सम्बन्धित निकायलाई आवश्यक सुझाव दिन पनि आग्रह गर्नुभयो ।
