पाल्पा, विशेष नापी कार्यालयले रिब्दीकोट गाउँपालिकामा पुनः नाप नक्सा सम्बन्धी अभिमुखीकरण कार्यक्रम सम्पन्न गरेको छ। कार्यक्रम विशेष नापी कार्यालय तानसेन, पाल्पाको आयोजनामा रिब्दीकाेट गाउँपालिका स्तरीय भएको पुनःनाप नक्सा सम्बन्धी अभिमुखीकरणमा, गाउँपालिका प्रतिनिधिहरू, स्थानीयवासी नागरिककाे सहभागी र अन्य सरोकारवालाहरूको उपस्थितिमा अभिमुखी कार्यक्रम सम्पन्न भएको हो।
अभिमुखीकरणमा सरोकारवालालाई कसरी डिजिटल नापी हुन्छ भन्ने विषय सम्बन्धी जानकारी गराउनुका साथै हालसम्म भएका कामको बारेमा जानकारी दिइएको थियो । कार्यक्रममा रिब्दीकोट गाउापालिका अध्यक्ष नारायणबहादुर कार्कीले नापीको कामलाई सहज बनाएर समयमा नापीकाे काम सक्नका लागि गाउँपालिकाले खेल्नुपर्ने भूमिकाका लागि सधै तयार रहेको बताउँनुभयाे। उहाँले नागरिकहरूलाई सहजरुपमा पूर्जाधनी वितरण गर्नका लागि आवश्यक समन्वय गर्ने तर्फमा गाउँपालिकाले विशेष ध्यान दिने कुरालाई उल्लेख गर्नुभयाे ।
विशेष नापी कार्यालय पाल्पाका प्रमुख पूर्णप्रसाद पाण्डेयले आउने वर्षभित्र पालिकाका सबै वडामा नापी सक्नेगरी काम भइरहेको जानकारी दिनुभयाे । कार्यक्रममा गाउँपालिका उपाध्यक्ष श्री कान्ता अधिकारी, प्रमुख प्रशासकीय अधिकृत मणिप्रसाद खनाल,वडाका अध्यक्षहरु, कार्यपालिका सदस्य लगायतले नाप नक्सा सम्बन्धी ज्ञानबाट आफ्नो क्षेत्रकाे वडाका टाेलहरूमा भएको काममा सहजीकरण गर्ने समेत बताउँनुभएकाे थियाे । रिब्दीकोट गाउँपालिकाका आठ वडामध्ये दुईवटा वडामा बाहेक अन्यमा नापीको काम सञ्चालनमा रहेको छ।
यस्तै केही वडाको भने नापीको काम सकेर पूर्जा वितरणको गर्ने काम भएको हुँदा स्थानीय सरकार र जनप्रतिनिधिसंगको समन्वयमा छिट्टै काम सक्नेगरी काम भइरहेको विषेश नापी कार्यालयले जनाएको छ ।अभिमुखीकरण कार्यक्रममा जग्गाको पुनः नाप नक्साको किन आवश्यकता छ भन्ने विषयमा चर्चा गरिएको थियो । जसले गर्दा भूमिको स्वामित्व, सीमांकन, रेकर्ड व्यवस्थापन तथा भविष्यमा हुन सक्ने विवाद समाधानमा सहयोग पुग्ने अपेक्षा गरिएको छ । नापी विशेषज्ञहरूले पुनः नाप नक्साको प्रविधि एवं कानुनी पक्ष र व्यावहारिक पक्षहरूबारे विस्तृत जानकारी प्रदान गर्नुभएकाे थियोे । उहाँहरूले स्थानीय तहका प्रतिनिधिहरूले पनि आफ्नो क्षेत्रका समस्या तथा अपेक्षाहरू राख्दै कार्यान्वयन प्रक्रियालाई प्रभावकारी बनाउने विषयमा सुझाव प्रस्तुत गर्नुभएको थियाे।
